Sýret ashyq derekkózden alyndy
Buryn zańdy kúshine engen sot sheshimin oryndamaǵany úshin Aqtaý ákimine 172 500 teńge kóleminde aiyppul tóleýge týra keledi. Bul týraly Mańǵystaý oblysynyń mamandandyrylǵan aýdanaralyq ákimshilik sotynyń baspasóz qyzmeti habarlady, - dep habarlaidy Massaget.kz portaly Lada.kz saityna silteme jasap.
Vedomstvo málimetinshe, buǵan deiin Mańǵystaý oblysynyń mamandandyrylǵan aýdanaralyq ákimshilik soty JShS-niń Aqtaý qalasy ákimine bergen talabyn qanaǵattandyrǵan. Sot Aqtaý ákiminiń jer ýchaskesiniń nysanaly maqsatyn ózgertýden bas tartýyn JShS-niń birine zańsyz dep tanyǵan jáne qala ákimine bir ai ishinde JShS paidasyna qolaily Ákimshilik akt qabyldaýǵa mindettegen. Alaida sot sheshimi sot kórsetken merzimde oryndalmaǵan.
"Jetkilikti ýaqyt ótkenine qaramastan, jaýapker sot sheshimin oryndaý boiynsha sharalar qabyldaǵan joq. Ákimshilik kodekstiń talaptaryna sáikes sot sheshimderin oryndaý sottyń baqylaýynda bolady jáne olardy oryndaýdan jaltarý 50 AEK mólsherinde aqshalai óndirip alýǵa ákep soǵady. Osyǵan bailanysty sot Aqtaý qalasynyń ákimine jeke ózi 50 AEK mólsherinde aqshalai óndirip alý týraly sheshim shyǵardy, bul 172 500 teńgedei", - dedi sottyń baspasóz qyzmeti.
Basylym málimetinshe, ákim aqshalai óndirip alýdy bes kún ishinde tólep, sot sheshimin 10 kún ishinde oryndaýy tiis, áitpese aqshalai óndirip alý 10 AEK-ke ulǵaitylǵan mólsherde qaita salynatyn bolady.
