Foto: Lada.kz
Kópsalaly oblystyq aýrýhanasy Aqtaýdaǵy ákimdik ǵimaratynda ózin-ózi órtegen er adamnyń jaǵdaiy jaily málimet berdi, dep habarlaidy Ulysmedia.kz.
Aýrýhananyń baspasóz qyzmeti 6 jeltoqsan kúni tańerteń onyń jaǵdaiy aýyr ekenin habarlaid: naýqas mehanikalyq jeldetý apparatyna qosylǵan, dári-dármekpen sedatsiialanǵan jáne gemodinamika dári-dármektermen qamtamasyz etilgen, dep jazady Lada.
Dárigerler Astanadaǵy Ulttyq shuǵyl meditsinany úilestirý ortalyǵynyń reanimatologymen jáne kombýstiologpen keńesýdi josparlap otyr.
ER ADAM NEGE BUL QADAMǴA BARDY
Aqtaýlyq bloger Azamat Sársenbaev jábirlenýshi jaily egjei-tegjeili aityp berdi. Onyń sózinshe, er adam Samruk Business Academy kompaniiasynda OKK kompaniiasynyń "Tokmak" tuzsyzdandyrý zaýytyn salý jobasynda jumys istegen. Jumys merzimi ýaqytsha bolǵan. Kelisimshart bir jylǵa ǵana jasalǵan. Joba aiaqtalǵannan keiin er adam shtatqa qabyldanbaǵan, soǵan narazylyǵyn bildirgen.=
Burynǵy jumysshy óziniń qiyn qarjylyq jaǵdaiy men nesieleri baryn aityp, turaqty jumysqa ornalasýdy talap etken. Oblys ákimdigi oǵan "Kaspii" tushylandyrý zaýytynda jáne basqa da uiymdarda bos jumys oryndaryn usynǵan.
Er adam usynylǵan bos oryndarǵa narazy bolyp, OKK-da jumysqa ornalasý máselesin sheshý úshin oblys ákimimen kezdesýdi talap ete bastaǵan. Áitpese ol ózin órtep jiberemin dep qorqytqan deidi Sársenbaev.
ÓŃIR ÁKIMIMEN KEZDESKISI KELGEN
Eske salaiyq, búgin, 5 jeltoqsanda Mańǵystaý oblystyq ákimdigine bir turǵyn baryp, óńir basshysynyń jeke qabyldaýyna kirgizýdi suraǵan.
Ákimdik qyzmetkerleri oǵan turǵyndardy jeke suraqtary boiynsha qabyldaý júrgizilip jatpaǵanyn, bekitilgen grafikke sáikes jazylyp kelýin ótingen. Sodan soń ony Qaraqiia aýdany ákiminiń orynbasary qabyldaǵan. Alaida oǵan qanaǵattanbaǵan azamat ústine janarmai quiyp, ózin órtep jibergen edi.
Politsiia men ákimdik qyzmetkerleriniń kómegimen órt sóndirilip, zardap shekken adam aýrýhanaǵa jetkizildi.
