Aqsýda qarttar úiinen órt shyǵyp, bir adam zardap shekti. Oqiǵa ornynda jeke quramnan 12 adam men 4 tehnika jumys istedi, dep habarlaidy Ravlodarnews.kz saity.
Oblystyq TJD baspasóz qyzmetiniń málimetinshe, 23 qyrkúiekte saǵat 18.39-da Naberejnaia kóshesi, 27 mekenjaiy boiynsha Pavlodar oblysy jumyspen qamtýdy úilestirý jáne áleýmettik baǵdarlamalar basqarmasyna qarasty Aqsý qalasynyń qarttar men múgedekterge arnalǵan jalpy úlgidegi arnaýly áleýmettik qyzmet kórsetý ortalyǵynda órt shyqqany týraly habarlama túsken.
- Ekinshi korpýstyń besinshi qabatynda № 14 palatada 2 sharshy metr alańda matrats byqsyp, qatty tútin paida bolǵan. Órt sóndirýshiler baspaldaq marshy boiynsha 4-shi jáne 5-shi qabattardan 60 adamdy evakýatsiialady. Avtosaty qoldanyldy. Gaz-tútinnen qorǵaý qyzmetiniń býyny besinshi qabattaǵy palatanyń terezesine qurastyrylǵan qol oqpanyn berdi, - dedi departamentte.
Órt sóndirý bólimsheleri kelgenge deiin bólimshe qyzmetkerleri zardap shekken 1937 jyly týǵan er adamdy evakýatsiialady. Ol Aqsý qalasynyń ortalyq aýrýhanasyna jatqyzyldy.
Órt 19 saǵat 09 minýtta sóndirildi.
Órttiń shyǵýyna tósekte temeki shegý sebep bolǵan.
