Foto: kaz.tengrinews.kz
Energetika ministri Bolat Aqsholaqov Kaspii qubyr konsortsiýmynyń munai jóneltýdi toqtatýyna qatysty túsinikteme berip, jumysty qalpyna keltirý merzimin atady, - dep habarlaidy "Ult aqparat".
Ministr munai jóneltýdiń toqtatylýy qolaisyz aýa raiymen bailanysty ekenin rastady.
"KQK-daǵy jaǵdaiǵa keletin bolsaq, Qara teńizde qatty daýyldan ne bolyp jatqanyn ózderińiz kórip otyrsyzdar. Qazir aýa raiyna bailanysty túrli problema bar. Keshegi júk kóligimen bolǵan jaǵdaidy da kórdińizder. Dál osy jaǵdaida jóneltý múmkin emes, bul qaýipti.
Sinoptikterdiń boljamy boiynsha, beisenbi kúni aýa raiy qalypqa kelýi kerek. Bul tankerlerge akvatoriiaǵa kirýge jáne júkti tieýdi bastaýǵa múmkindik beredi. Ázirge rezervýar parkine jumys istep jatyrmyz, munai óndirý toqtatylǵan joq", - dedi Aqsholaqov Úkimet kýlýarynda.
Eske salaiyq, keshe Kaspii qubyr konsortsiýmy (KQK) qolaisyz aýa raiyna bailanysty Qara teńizdegi terminaldan munai jóneltýdi toqtatqanyn habarlady.
"On toǵyzynshy aqpanda KQK teńiz terminalynda aýa raiyna bailanysty munai jóneltý toqtatyldy. Óitkeni qatty daýyl soǵyp, tolqyn bolǵan. Osy ýaqytqa deiin Novorossiisk portynyń kapitany daýyl shekteýin alǵan joq, boljam jaǵymsyz", - delingen KQK habarlamasynda.
