Foto: gov.kz
Qazaqstan Respýblikasynyń Bas prokýratýrasy áleýmettik jelilerde keń taralǵan jalǵan beinerolikke bailanysty eskertý jasady, dep habarlaidy Ult.kz.
240 myńnan astam qaralym jinaǵan videoda «onlain konsýltatsiia jáne qoldaý kórsetý» arqyly azamattardyń aqshasyn qaitarýǵa kómektesetini aitylǵan.
Alaida quzyrly organ bul beinematerialdyń jasandy intellekt dipfeik tehnologiiasy arqyly jasalǵanyn málimdedi. Video azamattardy adastyryp, qarjysyn jymqyrýǵa baǵyttalǵan.
Sonymen qatar rolikte atalǵan «Investitsiialardy baqylaý agenttigi» degen memlekettik organ Qazaqstanda joq ekeni anyqtaldy.
Mamandardyń aitýynsha, quqyq qorǵaý organdary qyzmetkerleriniń beinesin paidalaný alaiaqtardyń senimge kirý tásilderiniń biri.
Bas prokýratýranyń tapsyrmasymen Ishki ister ministrligi atalǵan videony jasaǵan jáne taratqan tulǵalardy anyqtaý úshin tekserý bastady.
Vedomstvo azamattardy saq bolýǵa shaqyryp, áleýmettik jeliler men messendjerlerdegi kúmándi aqparatqa senbeýge, belgisiz siltemelerdi ashpaýǵa jáne jeke derekterdi bógde adamdarǵa bermeýge keńes berdi.
Sondai-aq memlekettik organdar eshqashan messendjerler nemese áleýmettik jeliler arqyly aqshany qaitarý qyzmetin usynbaitynyn eske saldy. Kúmándi jaǵdai týyndasa, dereý quqyq qorǵaý organdaryna nemese 102 nómirine habarlasý qajet.
