Illiýstratsiia: elements.envato.com
Pavlodar turǵyny alaiaqtardyń esepshotyna 40 million teńge aýdarǵan. Belgili bolǵandai, aqsha aýdarymy ýkrainalyq bankterdiń birine túsken, - dep habarlaidy Tengrinews.kz.
Politsiianyń málimetinshe, er adam belgisiz internet alaiaqtarynyń qurbany bolǵan.
"Pavlodar turǵynyna belgisiz adam habarlasyp ózin banktiń qaýipsizdik qyzmetiniń qyzmetkeri retinde tanystyryp, onyń atyna bireýler nesie rásimdep jatqanyn habarlaǵan. Ári qarai, onyń shotynda alaiaqtar urlap alatyndai aqsha bar ma dep suraǵan. Er adam depozitte jáne aǵymdaǵy shotta aqsha bar ekenin, onyń somasyn aitqan. Qońyraý shalýshylar bul aqshany basqalar almaityn qaýipsiz shotqa aýdarý kerek ekenin aityp, bank nómirin aitady. Jábirlenýshi aqshany sol shotqa aýdarǵan", - dedi Pavlodar oblysy PD kriminaldyq politsiia basqarmasynyń kiberqylmyspen kúres bóliminiń jedel ýákili Aman Áýbákirov.
