AQSh qorǵanys ministrligi Ýkrainanyń shyǵysynda reseishil separatisterge qarsy kúres júrgizip jatqan úkimet kúshterine 250 million dollardyń áskeri kómegin beredi. Pentagon bul týraly málimdemesin 18 maýsymda resmi saitynda jariialady, dep jazady Azattyq.
Pentagonnyń habarlaýynsha, jańa transh aiasynda Ýkrainanyń áskeri-teńiz kúshteri men armiiasyna ásker qural-jabdyqtar beriledi, qosymsha oqý-jattyǵýlar ótkiziledi. Málimdemede bul seriktestikke Ýkrainadaǵy reformalar negiz bolǵany, onyń nátijesinde Ýkraina áskeri NATO standarttaryna jaqyndai túskeni aitylǵan.
Resei Ýkrainanyń shyǵysyndaǵy separatisterge túrli áskeri qural-jabdyqtarmen, sonyń ishinde 450 tanki jáne 700 aýyr tehnikamen kómektesip otyr dep málimdedi AQSh-tyń Ýkrainadaǵy burynǵy elshisi Djon Herbst. Ol muny Pentagonnyń málimdemesinen keiin, AQSh senatynyń halyqaralyq qatynastar komitetinde ótken tyńdaýda aitty.
AQSh 2014 jyldan beri Ýkrainaǵa quny 1,5 milliard dollarǵa jýyq áskeri kómek kórsetken. Áskeri kómektiń negizgi maqsaty – Ýkrainany Resei agressiiasynan qorǵaý jáne ýkrain armiiasyn reformalaýǵa septesý.
