AQSh federaldyq saýda komissiiasy áleýmettik jeli qoldanýshylarynyń jeke málimetteri tarap ketkeni týraly aqparattan soń, Facebook-ke qatysty tergeý júrgize bastady. Bul týraly atalǵan mekemeniń saitynda habarlandy.
Komissiia áleýmettik jeli basshylyǵy qoldanýshylardyń jeke málimetterin qalai saqtap otyrǵanyn tekseredi.
Biyl naýryz aiynyń basynda jýrnalister britaniialyq Cambridge Analytica saraptama kompaniiasyn Facebook qoldanýshylarynyń jeke málimetterin Donald Tramp sailaý naýqany kezinde paidalanǵany úshin synaǵan. Channel 1 telearnasynyń zertteýi boiynsha, saraptama kompaniiasy álem boiynsha 200-ge jýyq sailaý naýqanyna qatysqan. Olardyń arasynda Nigeriia, Keniia, Chehiia, Úndistan jáne Argentina bar. Zertteýde kompaniia úmitkerler týraly jalǵan málimet taratýmen de ainalysqan delinedi.
Facebook-tiń negizin qalaýshy ári basshysy Mark Tsýkerberg Cambridge Analytica sarapta kompaniiasynyń jeke málimetterdi zańsyz alýy týraly málimdeme taratty. Ol óziniń kompaniiasy qoldanýshylardyń málimeti úshin jaýapty ekenin moiyndaǵan.
