AQSh-tyń barlaý qyzmeti seisenbi kúni prezident Djo Baidenge koronavirýstyń qaidan shyqqany týraly baiandama jasady, alaida onda virýstyń zerthanada jasaldy ma, álde tabiǵi jolmen paida boldy ma degen máselede ortaq sheshim aitylmaǵan. Bul týraly QazAqparat TASS agenttigine silteme jasap habarlaidy.
The Washington Post basylymy AQSh úkimetiniń eki ókiliniń pikirine júginedi. Olardyń aitýynsha, arnaiy barlaý qyzmetteri birneshe kúnniń ishinde qujatty jariialaý úshin onyń qupiia málimetteri alynyp tastalǵan nusqasyn ázirleýi tiis bolǵan. Ókilderdiń málimeti boiynsha, baiandamada aqparattyń kóp bolǵanyna qaramastan, virýstyń naqty shyǵý tegi týraly sońǵy qorytyndy joq.
Bilik ókilderiniń biri amerikandyq barlaý qaýymdastyǵy «bul máseleni qarastyrý úshin arnaiy jabdyqtalmaǵan», sebebi koronavirýstyń shyǵý tegin anyqtaý birinshi kezekte barlaýshy emes, ǵalymdardyń quzyretinde.
Dúisenbi kúni Aq úidiń baspasóz hatshysy Djen Psaki koronavirýstyń shyǵý tegi týraly baiandamanyń qupiia emes nusqasy jurtshylyq nazaryna Baiden oqyp shyqqan soń birneshe kún ótkennen keiin usynylýy tiis dep málimdedi. Ol bul nusqanyń dál qandai úlgide usynylatynyn naqty aita almady.
Baiden mamyr sońynda AQSh-tyń barlaý qyzmetiniń jańa koronavirýstyń dál qandai jolmen tarala bastaǵany týraly senimdi aqparaty joq ekenin málimdedi. AQSh prezidenti arnaiy qyzmetterge qolda bar barlyq málimetti zertteýge eki ese kóp kúsh jumsai otyryp, 90 kúnnen keiin jańa esep berýdi tapsyrdy.
