اقش-تىڭ بارلاۋ قىزمەتٸ سەيسەنبٸ كٷنٸ پرەزيدەنت دجو بايدەنگە كوروناۆيرۋستىڭ قايدان شىققانى تۋرالى بايانداما جاسادى, الايدا وندا ۆيرۋستىڭ زەرتحانادا جاسالدى ما, ەلدە تابيعي جولمەن پايدا بولدى ما دەگەن مەسەلەدە ورتاق شەشٸم ايتىلماعان. بۇل تۋرالى قازاقپارات تاسس اگەنتتٸگٸنە سٸلتەمە جاساپ حابارلايدى.
The Washington Post باسىلىمى اقش ٷكٸمەتٸنٸڭ ەكٸ ٶكٸلٸنٸڭ پٸكٸرٸنە جٷگٸنەدٸ. ولاردىڭ ايتۋىنشا, ارنايى بارلاۋ قىزمەتتەرٸ بٸرنەشە كٷننٸڭ ٸشٸندە قۇجاتتى جارييالاۋ ٷشٸن ونىڭ قۇپييا مەلٸمەتتەرٸ الىنىپ تاستالعان نۇسقاسىن ەزٸرلەۋٸ تيٸس بولعان. ٶكٸلدەردٸڭ مەلٸمەتٸ بويىنشا, باياندامادا اقپاراتتىڭ كٶپ بولعانىنا قاراماستان, ۆيرۋستىڭ ناقتى شىعۋ تەگٸ تۋرالى سوڭعى قورىتىندى جوق.
بيلٸك ٶكٸلدەرٸنٸڭ بٸرٸ امەريكاندىق بارلاۋ قاۋىمداستىعى «بۇل مەسەلەنٸ قاراستىرۋ ٷشٸن ارنايى جابدىقتالماعان», سەبەبٸ كوروناۆيرۋستىڭ شىعۋ تەگٸن انىقتاۋ بٸرٸنشٸ كەزەكتە بارلاۋشى ەمەس, عالىمداردىڭ قۇزىرەتٸندە.
دٷيسەنبٸ كٷنٸ اق ٷيدٸڭ باسپاسٶز حاتشىسى دجەن پساكي كوروناۆيرۋستىڭ شىعۋ تەگٸ تۋرالى باياندامانىڭ قۇپييا ەمەس نۇسقاسى جۇرتشىلىق نازارىنا بايدەن وقىپ شىققان سوڭ بٸرنەشە كٷن ٶتكەننەن كەيٸن ۇسىنىلۋى تيٸس دەپ مەلٸمدەدٸ. ول بۇل نۇسقانىڭ دەل قانداي ٷلگٸدە ۇسىنىلاتىنىن ناقتى ايتا المادى.
بايدەن مامىر سوڭىندا اقش-تىڭ بارلاۋ قىزمەتٸنٸڭ جاڭا كوروناۆيرۋستىڭ دەل قانداي جولمەن تارالا باستاعانى تۋرالى سەنٸمدٸ اقپاراتى جوق ەكەنٸن مەلٸمدەدٸ. اقش پرەزيدەنتٸ ارنايى قىزمەتتەرگە قولدا بار بارلىق مەلٸمەتتٸ زەرتتەۋگە ەكٸ ەسە كٶپ كٷش جۇمساي وتىرىپ, 90 كٷننەن كەيٸن جاڭا ەسەپ بەرۋدٸ تاپسىردى.
