«Isaias» tropikalyq daýyly AQSh-tyń shyǵys jaǵalaýynda 2,7 mln astam adamdy elektr jaryǵynsyz qaldyrdy. Bul týraly CNN telekompaniiasy habarlady.
Daýyl 8 shtatty jaipap ótken. Eń kóp zardap shekken Niý-Djersi shtatynyń turǵyndary, onda 1,3 mln astam úi jaryqsyz qaldy. Soltústik Karolinada 303 myńnan astam, Virdjiniiada – 347 myńnan astam, Merilendte – 43,8 myńnan astam adam osyndai jaǵdaidy basynan keship otyr.
Budan basqa, qaza tapqan 4 adam týraly habarlandy.
«Isaias» daýyly Amerikanyń Soltústik Karolina shtatynyń jaǵalaýynda 3 tamyzda, keshqurym bastalǵan edi. Qazirgi kezde ol birshama álsiredi.
