Foto: Ádilet Berimqulov/ Kazinform
Vashingtondaǵy Qazaqstan Elshiligi deportatsiia týraly sheshim shyqqan AQSh-taǵy otandastarǵa aiyppuldar men basqa da sanktsiialardy boldyrmaý úshin elge erikti túrde oralý múmkindigin paidalanýǵa shaqyrdy, - dep habarlaidy Ult.kz.
Diplomatiialyq missiia bul úndeýdi ózderiniń resmi saitynda jáne áleýmettik jelilerdegi paraqshalarynda jariialady.
"Qurmetti Amerika Qurama Shtattaryndaǵy! Qazaqstan Respýblikasynyń azamattary! AQSh biligi deportatsiialaý týraly sot sheshimin alsa da, elge qaitpai júrgen sheteldik azamattarǵa "CBP Home" mobildi qosymshasyn paidalaný arqyly múmkindiginshe qysqa merzimde óz erkimen elderine oralýǵa shaqyrýda ekenine nazar aýdaramyz", -delingen habarlamada.
Sondai-aq, AQSh-tan ketýge daiyn azamattarǵa birqatar múmkindikter usynylady.
- Azamattyń ózi qalaǵan reispen erikti jáne qaýipsiz túrde elge oralý múmkindigi bar;
- - AQSh-ta jumys jasap, tapqan qarajaty azamattyń ózinde qalady;
- - Quzyrly organdar tarapynan qamaýǵa alynbaidy jáne májbúrli deportatsiiasyz óz eline oralady;
- - Áýe biletin satyp alýǵa múmkindigi joq azamattarǵa qarjylai sýbsidiia alý múmkindigi beriledi;
- - Bolashaqta zańdy túrde AQSh-qa qaita kelý quqyǵyna ie bolady.
- ⠀
Óz erkimen elderine qaitpaǵan jaǵdaida tómendegi sharalardy qoldaný josparlanýda:
- - Jedel túrde deportatsiialaý. AQSh Ishki qaýipsizdik ministrliginiń (DHS) qyzmetkerleri eshbir daiyndyqsyz, azamattardy jedel túrde qamaýǵa alatyn bolady;
Sondai-aq, azamattar áýe biletin satyp alýǵa múmkindigi bolmaǵan jaǵdaida qarjylai kómek alýǵa, bolashaqta AQSh-qa zańdy jolmen qaita kirýge quqyq saqtaýǵa múmkindik alady.
Eger azamat óz erkimen qaitýdan bas tartsa, qatań sharalar qoldanylady. Mundai jaǵdaida migrant daiyndyqsyz, birden deportatsiialanady. AQSh Ishki qaýipsizdik ministrligi qyzmetkerleri aldyn ala eskertý jasamai ustaityn bolady.
Budan bólek, aiyppuldar men sanktsiialar qarastyrylǵan. Eger azamat sot sheshimi shyqqanyna qaramastan elden shyqpasa, oǵan kúnine 998 AQSh dollary kóleminde aiyppul salynady. Bul aiyppul artqa shegerile otyryp esepteledi, iaǵni sońǵy bes jylda elden shyǵarý týraly sot sheshimi shyqqan tulǵalarǵa da qoldanylady. Jalpy aiyppul kólemi 1 million dollarǵa deiin jetýi múmkin. Aiyppuldy tóleý múmkin bolmaǵan jaǵdaida, AQSh-ta zańsyz júrgen shetel azamattarynyń jyljymaityn múlkin memleket menshigine alý qarastyrylady.
Sondai-aq, CBP Home arqyly elge oralǵanyn habarlamaǵan jaǵdaida, qosymsha 1000-nan 5000 dollarǵa deiin aiyppul salynady.
Sonymen qatar, AQSh-qa qaita kirýge tyiym salynady, bul migratsiialyq júieler arqyly elge zańdy kirý quqyǵynan aiyrý degendi bildiredi.
Osyǵan bailanysty, Elshilik Qazaqstan azamattaryn múmkin bolatyn teris saldarlardyń aldyn alý maqsatynda bul múmkindikti paidalanýǵa shaqyrady, – delingen diplomatiialyq ókildik málimdemesinde.
