AQSh-ta iri alaiaqtyq isi boiynsha alǵashqy sot otyrysy ótti. Atalǵan qylmystyq áreketke úsh Qazaqstan azamatynyń qatysy bar, dep habarlaidy QazAqparat agenttigi QR Syrtqy ister ministrligine silteme jasap.
Ministrliktiń resmi ókili Aibek Smadiiarovtyń aitýynsha, aǵymdaǵy jyly 7 aqpanda alǵashqy sot otyrysy ótken.
«Kelesi sot otyrysyn mamyr aiyna aýystyrdy. Sebebi tergeý sharalary jalǵasyp jatyr», - dedi A.Smadiiarov Astanada ótken baspasóz máslihatynda.
Aita keteiik, ótken jyly sheteldik buqaralyq aqparat quraldary Niý-Iork qalasynda qylmystyq toptyń ustalǵany jaiynda jazǵan bolatyn. 25 adam iri alaiaqtyqpen ainalysty. Olar ǵalamtorda jalǵan xabarlandyrýlardy ornalastyryp, kólikterdi satqan. Alaida ýaqytsha firmalar arqyly aldyn ala tólem alǵannan keiin izderin jasyryp otyrǵan. Osylaisha, alaiaqtar 4,5 mln dollardy qoldy qylǵan. Niý-Iork shtatynyń zańnamasy boiynsha qylmyskerler 20-30 jylǵa deiin bas bostandyǵynan aiyrylýy múmkin. Atalǵan qylmystyq toptyń quramynda úsh Qazaqstan azamaty da boldy. Olar - Aziza Djavadazade nemese Djalolova, 1994 jyly týǵan, Diora Áshirova, 1991 jyly týǵan, jáne Elena Qudaibergenova, 1970 jyly týǵan. Bas kezinde olardy qamaýǵa aldy. Biraq artynan kepildik tólegennen keiin úsheýin de bosatty.
