Foto: Daryo.uz
AQSh-tyń Rod-Ailend shtatyndaǵy Providens qalasynda ornalasqan bedeldi Braýn ýniversitetinde 13 jeltoqsanda bolǵan atys saldarynan eki adam kóz jumyp, toǵyz adam aýyr halde aýrýhanaǵa jetkizildi, dep habarlaidy Ult.kz.
Ózbekstan Syrtqy ister ministrliginiń málimetinshe, qaza tapqandardyń biri — Ózbekstan Respýblikasynyń azamaty, stýdent MuhammadAziz Ýmýrzokov. Vedomstvo marqumnyń otbasy men jaqyndaryna qaiǵyra kóńil aitty.
Ózbekstannyń AQSh-taǵy diplomatiialyq ókildikteri qaza tapqan stýdenttiń týystarymen turaqty bailanysta bolyp, AQSh-tyń tiisti organdarymen birlesip barlyq qajetti máseleler boiynsha jumys júrgizip jatyr.
Sheteldik BAQ deregine súiensek, atysqa kúdikti retinde Bendjamin Erikson esimdi azamat ustalǵan. CNN telearnasynyń habarlaýynsha, ol AQSh áskerinde qyzmet etken, marapattalǵan áskeri qyzmetker bolǵan jáne Arlington ulttyq ziratynda jumys istegen.
RIA Novosti taratqan aqparatqa sáikes, Erikson 2021 jyldyń mamyrynan 2024 jyldyń qarashasyna deiin kelisimshart negizinde áskeri qyzmet atqaryp, mergendik daiarlyqtan ótken jáne AQSh prezidentiniń mańyndaǵy qaýipsizdikti qamtamasyz etý sharalaryna qatysqan. Sonymen qatar ol volonterlik qyzmetpen ainalysyp, úisizder men qarttarǵa kómektesken.
Aldyn ala málimetterde kúdiktiniń ýniversitet stýdenti emestigi aitylǵanymen, onyń LinkedIn jelisindegi paraqshasyna sáikes, ol kúzgi semestrde Viskonsin ýniversitetinen Braýn ýniversitetine aýysyp, psihologiia mamandyǵy boiynsha bilim ala bastaǵan.
Qazirgi tańda oqiǵanyń barlyq mán-jaiy anyqtalyp jatyr.
