فوتو: Daryo.uz
اقش-تىڭ رود-ايلەند شتاتىنداعى پروۆيدەنس قالاسىندا ورنالاسقان بەدەلدٸ براۋن ۋنيۆەرسيتەتٸندە 13 جەلتوقساندا بولعان اتىس سالدارىنان ەكٸ ادام كٶز جۇمىپ, توعىز ادام اۋىر حالدە اۋرۋحاناعا جەتكٸزٸلدٸ, دەپ حابارلايدى Ult.kz.
ٶزبەكستان سىرتقى ٸستەر مينيسترلٸگٸنٸڭ مەلٸمەتٸنشە, قازا تاپقانداردىڭ بٸرٸ — ٶزبەكستان رەسپۋبليكاسىنىڭ ازاماتى, ستۋدەنت مۇحاممادازيز ۋمۋرزوكوۆ. ۆەدومستۆو مارقۇمنىڭ وتباسى مەن جاقىندارىنا قايعىرا كٶڭٸل ايتتى.
ٶزبەكستاننىڭ اقش-تاعى ديپلوماتييالىق ٶكٸلدٸكتەرٸ قازا تاپقان ستۋدەنتتٸڭ تۋىستارىمەن تۇراقتى بايلانىستا بولىپ, اقش-تىڭ تيٸستٸ ورگاندارىمەن بٸرلەسٸپ بارلىق قاجەتتٸ مەسەلەلەر بويىنشا جۇمىس جٷرگٸزٸپ جاتىر.
شەتەلدٸك باق دەرەگٸنە سٷيەنسەك, اتىسقا كٷدٸكتٸ رەتٸندە بەندجامين ەريكسون ەسٸمدٸ ازامات ۇستالعان. CNN تەلەارناسىنىڭ حابارلاۋىنشا, ول اقش ەسكەرٸندە قىزمەت ەتكەن, ماراپاتتالعان ەسكەري قىزمەتكەر بولعان جەنە ارلينگتون ۇلتتىق زيراتىندا جۇمىس ٸستەگەن.
ريا نوۆوستي تاراتقان اقپاراتقا سەيكەس, ەريكسون 2021 جىلدىڭ مامىرىنان 2024 جىلدىڭ قاراشاسىنا دەيٸن كەلٸسٸمشارت نەگٸزٸندە ەسكەري قىزمەت اتقارىپ, مەرگەندٸك دايارلىقتان ٶتكەن جەنە اقش پرەزيدەنتٸنٸڭ ماڭىنداعى قاۋٸپسٸزدٸكتٸ قامتاماسىز ەتۋ شارالارىنا قاتىسقان. سونىمەن قاتار ول ۆولونتەرلٸك قىزمەتپەن اينالىسىپ, ٷيسٸزدەر مەن قارتتارعا كٶمەكتەسكەن.
الدىن الا مەلٸمەتتەردە كٷدٸكتٸنٸڭ ۋنيۆەرسيتەت ستۋدەنتٸ ەمەستٸگٸ ايتىلعانىمەن, ونىڭ LinkedIn جەلٸسٸندەگٸ پاراقشاسىنا سەيكەس, ول كٷزگٸ سەمەستردە ۆيسكونسين ۋنيۆەرسيتەتٸنەن براۋن ۋنيۆەرسيتەتٸنە اۋىسىپ, پسيحولوگييا ماماندىعى بويىنشا بٸلٸم الا باستاعان.
قازٸرگٸ تاڭدا وقيعانىڭ بارلىق مەن-جايى انىقتالىپ جاتىر.
