Amerika Qurama Shtattarynda ustalǵan úsh qazaqstandyq áielge aqshany jylystatýǵa qatysy bar degen aiyp taǵylǵan.
Diora Áshirova, Áziza Jalolova jáne Elena Qudaibergenovanyń isi boiynsha alǵashqy sot tyńdaýy 8 tamyzda ótip, ustalǵandarǵa taǵylǵan aiyp oqyldy.
Qazaqstannyń syrtqy ister ministrligi baspasóz qyzmetiniń málimetinshe, kelesi sot tyńdaýy biyl qazan aiynda bolady.
"Qazaqstannyń Niý-Iorktegi bas konsýldyǵy azamattarymyzǵa qajetti járdem kórsetip, olardyń týystary jáne advokattarymen únemi bailanysta otyr", – dep málimet berdi Qazaqstannyń syrtqy saiasat vedomstvosy.
Qazaqstandyq áielder Niý-Iorkte asa iri alaiaqtyqqa qatysy bar degen kúdikpen ustalǵan bolatyn. Aqshanyń izin jasyrý boiynsha qylmystyq shemaǵa aralasqany úshin olar 20 jyldan 30 jylǵa deiin sottalýy múmkin.
