AQSh-tyń Alabama shtatyndaǵy Fýltondeil qalasynda bolǵan kúshti quiyn saldarynan kem degende bir adam qaza taýyp, 20-dan astam adam jaraqat aldy, dep habarlady nbcnews.com.
Djefferson okrýginiń Tótenshe jaǵdailar jónindegi basqarma direktory Djim Koker 20-ǵa jýyq adamnyń jaraqat alǵanyn málimdedi. 9 myńǵa jýyq turǵyny bar Fýltondeil qalasy Djefferson aimaǵynda ornalasqan.
Kokerdiń aitýynsha, quiyn Fýltondeil arqyly ótip, odan keiin jaqyn ornalasqan Senter-Point qalasyna jyljyǵan.
Apattyń videosynan búlingen shatyrlar, opyrylyp qulaǵan qabyrǵalar, aýdarylǵan kólikter jáne úzilgen elektr jelisin kórýge bolady.
Birmingemdegi Ulttyq meteorologiialyq qyzmeti (NWS) tornadonyń kúshin anyqtaý úshin keltirgen shyǵyn esepteletinin málimdedi.
Aimaqtyń soltústik-shyǵys bóligindegi kóptegen mektep infraqurylym men kommýnaldyq nysandardyń qiraýyna bailanysty jabyq.
Djefferson okrýginiń biligi adamdardy tornada kezinde jasyrynyp, Fýltondeil men Senter-Point qalasynan qashyqtaý júrýge shaqyrdy.
