Kóptegen sailaýshy Djo Baidenniń AQSh prezidenti bolyp sailanýyn qoldady. Onyń jeńisi Kaliforniiadaǵy 55 sailaýshynyń resmi daýys berýinen keiin anyqtaldy, dep habarlaidy "Ult aqparat" Euronews-ke silteme jasap.
Daýys berýden buryn olar shtattaǵy halyqtyń qalaýyna sáikes Baiden men vitse-prezident laýazymyna kandidat Kamala Harriske qoldaý kórsetýge mindettimiz dep jariialady. Kóptegen sailaýshylar demokratiialyq sailaý naýqanynyń logotipimen, sondai-aq Baiden men Harris esimderi jazylǵan betperde kigen.
AQSh-ta Sailaýshylar alqasynyń daýys berýi ótip jatyr, ol 2020 jylǵy prezident sailaýynyń jeńimpazyn túpkilikti anyqtaidy. Jalpy daýys berý nátijesine sáikes Alqa quramyn shtattar biligi anyqtaidy, onyń resmi qorytyndylaý bir apta buryn aiaqtalǵan.
Daýys berý nátijesine sáikes, prezident sailaýynda Demokratiialyq partiiadan prezidenttikke úmitker Djo Baiden jeńiske jetti. AQSh-tyń qazirgi prezidenti jáne Respýblikalyq partiiadan ekinshi merzimge úmitker Donald Tramp óziniń jeńilisin moiyndamady jáne qarsylasyn sailaýdy burmalady dep aiyptady.
Respýblikashylar 3 qarashada ótken daýys berý nátijesine qarsy turýǵa tyrysqan shtattarda (Arizona, Viskonsin, Jordjiia, Pensilvaniia, Nevada) sailaýshylar Djo Baiden men vitse-prezidenttikke úmitker Kamala Harriske daýys berdi. Michigannyń taǵy bir daýly shtatynda sailaýshylarǵa daýys berý jabyq esik artynda ótti.
Sailaýshylar alqasy arqyly AQSh prezidentin sailaý tártibi 1789 jylǵy Soltústik Amerika Respýblikasy tarihyndaǵy alǵashqy prezidenttik sailaýdan beri ózgergen joq. Sailaýshylardyń daýys berý nátijesi qańtardyń basynda resmi túrde jariialanady.
