AQSh-tyń batysyndaǵy ormandarda 100-ge jýyq órt bolyp, kem degende jeti adam qaza tapty, myńdaǵan adam kóshirildi, qalalar qirady. Bul týraly VVS agenttigi habarlady.
Jylý tolqyndary men jelden bolǵan órtten eń kóp zardap shekken – Kaliforniia, Vashington jáne Oregon shtattary.
Oregon shtatynyń gýbernatory osy oqiǵany shtat tarihyndaǵy órt saldarynan «adam men múlik shyǵyny eń kóp tirkelgen jaǵdai» dep atady.
Aimaqtyń basqa toǵyz shtatynda da orman órti órship tur.
Oregonda orman órti saldarynan úsh adam, Kaliforniiada – úsh adam jáne Vashingtonda bir adam qaza tapqan.
Ulttyq vedomstvoaralyq orman ortalyǵynyń málimetinshe, AQSh-tyń batysynda 96 iri órt tirkelgen. Qazirgi kezde 3,4 millionnan astam akr jer órtendi, bul rette sońǵy kúni Kaliforniia, Oregon jáne Vashingtonda ońdaǵan myń akr jer janyp ketken.
Oregon shtatynyń resmi tulǵalary birneshe qalanyń jel saǵatyna 72 shaqyrym jyldamdyqpen soqqan kezde órtenip ketkeni málimdedi.
