AQSh-tyń Michigan shtatyndaǵy mekteptiń birinde 15 jastaǵy jasóspirim úsh oqýshyny atyp óltirdi jáne taǵy segiz adamdy jaraqattady, sonyń ishinde muǵalim de bar, dep habarlaidy QazAqparat VVS-gesilteme jasap.
Shabýyldyń qurbandary 16 jastaǵy mektep oqýshysy jáne 14 jáne 17 jastaǵy qyzdar. Zardap shekkenderdiń ekeýine ota jasaldy, jaraqat alǵan taǵy alty adamnyń jaǵdaiy aýyr. Iyǵynan jaralanǵan muǵalim aýrýhanadan shyǵaryldy.
Politsiianyń habarlaýynsha, oq atqan oqýshy ótken juma kúni ákesi satyp alǵan jartylai avtomatty tapanshany qoldanǵan.
Oqiǵanyń qalai órbigeni áli belgisiz. Tergeýshiler jasóspirim qarýdy mektepke sómkesine salyp ákelgen, sosyn dárethanaǵa aparyp, sol jerden alyp shyǵýy múmkin dep boljaidy. Oqýshylar shabýyl kezinde partalardyń astyna tyǵylǵandaryn aitty.
