AQSh-ta meksikalyq esirtki barony Hoakin Gýsman «El Chaponyń» áieli úsh jylǵa qamalyp, tórt jyl baqylaýda bolady, dep habarlaidy QazAqparat Euronews-ke silteme jasap.
Emma Koronel Aispýro kúieýiniń qylmystaryna kómektesken. Ol esirtki trafigine, aqshany jylystatýǵa, sondai-aq 2015 jyly Gýsmannyń Meksika túrmesinen qashyp ketýine yqpal etken qylmystary úshin kinásin moiyndady. AQSh-ta taǵylǵan aiyptar boiynsha oǵan 10 jylǵa deiin bas bostandyǵynan aiyrý qaýpi tónýi múmkin.
Hoakin Gýsman 2017 jyly AQSh biliginiń ótinishi boiynsha Meksikadan AQSh-qa ekstraditsiialandy. 2019 jyldyń aqpan aiynda Niý-Iork shtatynyń Shyǵys okrýginiń qazylar alqasy ony qylmystyq topqa qatysqany úshin, esirtkini óndirý jáne taratý, qarý qoldaný jáne esirtkiden túsken kiristi zańdastyrýda sóz bailasqany úshin kináli dep tapty.
2019 jyldyń shildesinde Gýsman ómir boiyna abaqtyǵa qamaldy, sonymen qatar taǵy 30 jylǵa bas bostandyǵynan aiyryldy. Ol AQSh-tyń Kolorado shtatyndaǵy AQSh-taǵy eń qatań rejimdegi túrmede jazasyn ótep jatyr.
