AQSh-ta koronavirýs juqtyrǵandar 68 500-ge jýyqtap, aýrýdan qaitys bolǵandar myńnan asty. Bul týraly COVID-19 infektsiiasyn juqtyrǵandar jaily aqparat taratatyn sait habarlady.
Djons Hopkins ýniversiteti ashqan sait dereginshe, 26 naýryzda AQSh-ta koronavirýstan qaza tapqandar 1032-ge jetken. Bir kún buryn virýstan qaitys bolǵandar 827 bolǵan edi.
AQSh koronavirýs juqtyrǵandar sany boiynsha Qytai men Italiiadan keiin úshinshi orynda tur.
26 naýryzdaǵy málimet boiynsha, álemde koronavirýs juqtyrǵandar 471 myńnan asyp, 21 295 adam qaitys bolǵan. 114 myńnan asa adam aiyqqan.
Mamandar virýsty anyqtaityn test jetispegendikten álemde naqty qansha adamnyń koronavirýs juqtyrǵanyn anyqtaý múmkin emes, syrqattar sany áldeqaida kóp bolýy múmkin deidi.
