Qazaqstan Respýblikasy Táýelsizdiginiń 30 jyldyǵyn merekeleý aiasynda AQSh-ta «Amanat» qazaq kúii antologiiasynyń tanystyrylymy ótti. Bul týraly QR Syrtqy ister ministrliginen málim etti, dep habarlaidy "Ult aqparat".
Onlain formattaǵy is-sharany Qazaqstannyń Vashingtondaǵy Elshiligi men «Kaspii saiasaty ortalyǵy» (Caspian Policy Center) birlesip uiymdastyrdy.
Tanystyrylymǵa «Saýap» qory Qamqorshylar keńesiniń tóraǵasy, Parlament Májilisiniń depýtaty Baqytbek Smaǵul, «Amanat» jobasynyń birlesken avtory Múslim Hasenov, sondai-aq Amerikalyq syrtqy saiasat jónindegi ulttyq komitettiń (National Committee on American Foreign Policy) prezidenti jáne bas atqarýshy direktory Siýzan M. Elliott moderator retinde qatysty.
Elshi Erjan Ashyqbaev qazaq mádenieti men ulttyq mýzykanyń erekshelikteri týraly, onyń ishinde dombyra men qobyzda kúi oryndaý ereksheligi, sondai-aq «Amanat» jobasyna engen túpnusqalyq 500 muraǵattyq kúiler toptamasyn qamtityn USB qurylǵysy men ár shyǵarmanyń sipattamasy bar qazaq, orys jáne aǵylshyn tilderindegi kitap týraly aityp ótti.
Baqytbek Smaǵul alǵysózinde «Amanat» jobasy aiasynda Qazaqstan men kórshi elderdiń túrli arhivteri men qorlarynan alynǵan biregei mýzykalyq shyǵarmalar jinaqtalyp, tsifrlandyrylǵanyn baiandady.
M. Hasenov bul jobanyń tanystyrylymy alǵashqy ret shetelde ótip jatqanyn jáne onyń danalary Vashington, Niý-Iork, Boston jáne San-Frantsiskonyń iri kitaphanalaryna, sonyń ishinde AQSh Kongress kitaphanasyna tapsyrylǵanyn atap ótti.
Onlain-kórermenderge dombyra, qobyz jáne sybyzǵyda oryndalǵan shyǵarmalard yń beinejazbalary usynyldy.
