AQSh-tyń Aiova shtatyndaǵy Sibli qalasynyń mańynda tez tutanǵysh zattar tielgen temirjol júk quramy relsten shyǵyp ketti. Jergilikti bilik oqiǵaǵa kópirdiń opyrylyp túsýi sebep bolýy múmkin ekenin aitýda, dep habarlaidy KTIV telearnasy.
Union Pacific Railroad temirjol kompaniiasynyń ókilderi oqiǵanyń jeksenbi kúni jergilikti ýaqyt boiynsha saǵat 14:00-de bolǵanyn aitty.
Joldan 47 vagon shyǵyp ketken. Oqiǵa saldarynan bir adam zardap shekti, ol - poiyz brigadasynyń múshesi emes.
Apattan keiin birden órt shyǵyp, qaýipti jaǵdai oryn alǵan, sebebi poiyz tyńaitqyshtar men ammonii nitratyn tasymaldap kele jatqan edi. Órt sóndirýshiler shamamen 8 shaqyrym radiýsta turatyn jergilikti turǵyndardy evakýatsiialaýda.
Union Pacific Railroad ókilderi oqiǵa ornyn tazalaý jumystaryna shamamen qansha ýaqyt jumsalatyny belgisiz ekenin atap ótti. Poiyzdyń joldan shyǵyp ketýine qatysty tergeý júrýde.
