اقش-تىڭ ايوۆا شتاتىنداعى سيبلي قالاسىنىڭ ماڭىندا تەز تۇتانعىش زاتتار تيەلگەن تەمٸرجول جٷك قۇرامى رەلستەن شىعىپ كەتتٸ. جەرگٸلٸكتٸ بيلٸك وقيعاعا كٶپٸردٸڭ وپىرىلىپ تٷسۋٸ سەبەپ بولۋى مٷمكٸن ەكەنٸن ايتۋدا, دەپ حابارلايدى KTIV تەلەارناسى.
Union Pacific Railroad تەمٸرجول كومپانيياسىنىڭ ٶكٸلدەرٸ وقيعانىڭ جەكسەنبٸ كٷنٸ جەرگٸلٸكتٸ ۋاقىت بويىنشا ساعات 14:00-دە بولعانىن ايتتى.
جولدان 47 ۆاگون شىعىپ كەتكەن. وقيعا سالدارىنان بٸر ادام زارداپ شەكتٸ, ول - پويىز بريگاداسىنىڭ مٷشەسٸ ەمەس.
اپاتتان كەيٸن بٸردەن ٶرت شىعىپ, قاۋٸپتٸ جاعداي ورىن العان, سەبەبٸ پويىز تىڭايتقىشتار مەن اممونيي نيتراتىن تاسىمالداپ كەلە جاتقان ەدٸ. ٶرت سٶندٸرۋشٸلەر شامامەن 8 شاقىرىم راديۋستا تۇراتىن جەرگٸلٸكتٸ تۇرعىنداردى ەۆاكۋاتسييالاۋدا.
Union Pacific Railroad ٶكٸلدەرٸ وقيعا ورنىن تازالاۋ جۇمىستارىنا شامامەن قانشا ۋاقىت جۇمسالاتىنى بەلگٸسٸز ەكەنٸن اتاپ ٶتتٸ. پويىزدىڭ جولدان شىعىپ كەتۋٸنە قاتىستى تەرگەۋ جٷرۋدە.
