Grand Princess krýizdik laineriniń bortynda tórt Resei azamaty bar. Bul týraly TASS agenttigi habarlady.
«Bortta tórt RF azamatynyń bar ekenin rastaimyz, olardyń barlyǵy – ekipaj músheleri. Jolaýshylar arasynda reseilikter joq», - dedi Princess Cruises kompaniiasynyń baspasóz qyzmetinen.
Eske salsaq, «Grand Princess» krýizdik laineri Kaliforniia jaǵalaýynda teńizde karantinge jabylǵandyǵy týraly habarlaǵan bolatynbyz. 21 aqpanda San-Frantsiskoda kemeden túsken eki jolaýshydan koronavirýs tabylǵan bolatyn.
Sársenbi kúni olardyń biri, 71 jastaǵy er adam Sakramentoda klinikada kóz jumdy. Onyń koronavirýs juqtyrǵanǵa deiin densaýlyǵy nashar bolǵan.
