اقش-تا كارانتينگە جابىلعان كرۋيزدٸك لاينەردە رەسەي ازاماتتارى بار

Grand Princess كرۋيزدٸك لاينەرٸنٸڭ بورتىندا تٶرت رەسەي ازاماتى بار. بۇل تۋرالى تاسس اگەنتتٸگٸ حابارلادى.

«بورتتا تٶرت رف ازاماتىنىڭ بار ەكەنٸن راستايمىز, ولاردىڭ بارلىعى – ەكيپاج مٷشەلەرٸ. جولاۋشىلار اراسىندا رەسەيلٸكتەر جوق», - دەدٸ Princess Cruises كومپانيياسىنىڭ باسپاسٶز قىزمەتٸنەن.

ەسكە سالساق, «Grand Princess» كرۋيزدٸك لاينەرٸ كاليفورنييا جاعالاۋىندا تەڭٸزدە كارانتينگە جابىلعاندىعى تۋرالى حابارلاعان بولاتىنبىز. 21 اقپاندا سان-فرانتسيسكودا كەمەدەن تٷسكەن ەكٸ جولاۋشىدان كوروناۆيرۋس تابىلعان بولاتىن.

سەرسەنبٸ كٷنٸ ولاردىڭ بٸرٸ, 71 جاستاعى ەر ادام ساكرامەنتودا كلينيكادا كٶز جۇمدى. ونىڭ كوروناۆيرۋس جۇقتىرعانعا دەيٸن دەنساۋلىعى ناشار بولعان.