Tehas shtatynyń Hiýston qalasynda rekordtyq deńgeidegi joǵary temperatýradan qyzyp ketken kólikte qalǵan 5 jasar bala kóz jumdy, dep habarlaidy QazAqparat ABC News-ke silteme jasap.
Politsiianyń málimetinshe, bala úiiniń janyndaǵy turaqta turǵan kóliktiń ishinde qalyp qoiǵan.
Dúisenbi kúni Hiýstonda aýa temperatýrasy Tselsii shkalasy bloiynsha 39 gradýsqa jetken. Bul – 2011 jyldan bergi eń joǵary temperatýra kórsetkishi.
Ata-anasy balanyń ápkesiniń týǵan kúnin atap ótýge daiyndalyp jatqan. Jetkinshektiń úide joq ekenin biraz ýaqyt ótkennen keiin ǵana baiqaǵan.
Politsiianyń málimetinshe, bala qaýipsizdik belbeýin qalai aǵytatynyn jáne óz otbasynyń kóliginen ózdiginen qalai shyǵý kerektigin bilgen. Biraq sol kúni ol jalǵa alynǵan kólikte bolǵan, ondaǵy esikte balalarǵa arnalǵan qaýipsizdik bekitpesi bolmaǵan. KidsAndCars.org. Ulttyq kommertsiialyq emes uiymnyń derekteri boiynsha, ol – biyl AQSh-taǵy qyzyp turǵan kólikte qaitys bolǵan besinshi bala.
