AQSh mamandary alǵash ret koronavirýsqa qarsy vaktsinany adamǵa saldy. Degenmen, ony jappai paidalanýǵa berý úshin áli de ýaqyt qajet, dep jazady CNBC.
«Sietlde saý adamǵa koronavirýsqa qarsy vaktsina salyndy. Klinikalyq zertteý týraly búgin sheneýnikter resmi túrde málimdedi. Aldaǵy alty apta boiy ǵalymdar taǵy 45 adamǵa zertteý júrgizedi. Osylaisha vaktsinanyń qaýipsizdigi tekserilmek», - dep jazylǵan sait aqparatynda.
Avtordyń aitýynsha, vaktsinany zertteý Sietl qalasynda ornalasqan Vashington ǵylymi-zertteý institýtynda júrgiziledi.
«Allergiia jáne infektsiialyq aýrýlardyń ulttyq institýty jańa vaktsinany janýarlarǵa synaqtan ótkizbesten, birden adamǵa salý týraly sheshim qabyldaǵan. Bul vaktsinanyń naryqqa shyǵýyn tezdetedi, alaida bul tek alǵashqy qadam ekenin eskerý kerek», - dep jazady avtor.
Onyń aitýynsha, jańa preparat klinikalyq synaqtyń úsh satysynan ótýi tiis. Eger qazirgi test sátti aiaqtalsa, onda jappai paidalanýǵa vaktsina 12-18 ai ishinde beriletin bolady.
Jańa vaktsinany NIAID ǵalymdary men Kembridjdegi Moderna Inc. biotehnologiialyq kompaniiasynyń ǵalymdary jasaǵan.
