Juma kúni AQSh-tyń Tehas jáne Lýiziana shtattarynyń jaǵalaýyndaǵy aimaqtarda «Delta» daýylynyń jaqyndaýyna bailanysty elektr jaryǵy jappai óshirildi. Bul týraly eldegi elektr energiiasymen jabdyqtaý jaǵdaiyn baqylaityn poweroutage.us portaly jazdy.
Tehasta shamamen 115 myńdai tutynýshy, Lýizianada 270 myńnan astam adam jaryqsyz qaldy.
AQSh-tyń Daýyldy baqylaý jónindegi ulttyq ortalyǵy habarlaǵandai, atalǵan shtattardyń jaǵalaý aimaqtarynda qazir aýa raiyna bailanysty eskertý jariialanǵan. Nóser jańbyr saldarynan sý tasqyny qaýpi bar. Ortalyq jergilikti turǵyndarǵa qaýip týraly eskertedi.
