Tórt balanyń anasy, koloradolyq Heidi Rassel COVID-19-ǵa qarsy vaktsina salǵandar arasyndaǵy lotereiadan million dollar utyp aldy, dep habarlaidy "Ult aqparat".
Mamyrda gýbernator Djared Polis ekpe alǵandar arasynda ótetin lotereiadan bes turǵyn osyndai soma uta alatynyn habarlaǵan bolatyn. Aqsha immýndaý aýqymyn arttyrý maqsatynda shtatqa bólingen federaldy qarajattan beriledi.
«Bul utys tórt balany ósirýge kómek bolady. Alaida men osy qarajatpen basqalarǵa da kómek kórsete alamyn degen úmittemin», - dedi jeńimpaz CBS telearnasyna.
Otbasynyń basqa músheleri de utysty ózderine paidaly etip jumsaitynyn aitady. Rasseldiń sózine qaraǵanda, onyń qyzdarynyń biri osy qarajattyń ishinen óziniń kolledjdegi oqýynyń aqysyn tólemek.
