AQSh-ta jasamaǵan qylmysy úshin 40 jyldai túrmede otyrǵan azamatqa bilik 21 million dollar ótemaqy tóleidi.
1978 jyly qurbysy men tórt jasar ulyn óltirdi dep aiyptalyp, 2017 jylǵa deiin abaqtyda otyrǵan Kreig Kolidiń shaǵymyn sot qanaǵattandyrǵan. Bul týraly Simi-Velli qalasynyń biligi 24 aqpanda habarlady.
71 jastaǵy Kreig Koli túrmeden 2017 jyly sol kezdegi gýbernator Djerri Braýnnyń raqymshylyǵynan soń bosap shyqqan. Gýbernator sózinshe, DNK izderi men isti qaita qaraý Kolidiń kinásiz ekenin dáleldegen.
"Qansha qarajat bolsa da, Kolidiń ótkergenin ótep bere almaidy. Bul istiń osylai sheshilýi Kolige de, qoǵamǵa da durys" dep jazylǵan qala biligi taratqan málimdemede.
Simi-Velli qalasy Kolige 4,9 million dollar ótep beredi. Kaliforniia shtatynyń biligi 2018 jyly Kolige 2 million dollarǵa jýyq ótemaqy tóleýdi sheshken.
Kreig Koli aiyptalyp, ustalǵan kezde sotty bolmaǵan. Tergeýshiler bul is boiynsha kýágerdiń jalǵan túsinik bergenin anyqtaǵan.
Azattyq.org
