اقش-تا جاساماعان قىلمىسى ٷشٸن 40 جىلداي تٷرمەدە وتىرعان ازاماتقا بيلٸك 21 ميلليون دوللار ٶتەماقى تٶلەيدٸ.
1978 جىلى قۇربىسى مەن تٶرت جاسار ۇلىن ٶلتٸردٸ دەپ ايىپتالىپ, 2017 جىلعا دەيٸن اباقتىدا وتىرعان كرەيگ كوليدٸڭ شاعىمىن سوت قاناعاتتاندىرعان. بۇل تۋرالى سيمي-ۆەللي قالاسىنىڭ بيلٸگٸ 24 اقپاندا حابارلادى.
71 جاستاعى كرەيگ كولي تٷرمەدەن 2017 جىلى سول كەزدەگٸ گۋبەرناتور دجەرري براۋننىڭ راقىمشىلىعىنان سوڭ بوساپ شىققان. گۋبەرناتور سٶزٸنشە, دنك ٸزدەرٸ مەن ٸستٸ قايتا قاراۋ كوليدٸڭ كٸنەسٸز ەكەنٸن دەلەلدەگەن.
"قانشا قاراجات بولسا دا, كوليدٸڭ ٶتكەرگەنٸن ٶتەپ بەرە المايدى. بۇل ٸستٸڭ وسىلاي شەشٸلۋٸ كوليگە دە, قوعامعا دا دۇرىس" دەپ جازىلعان قالا بيلٸگٸ تاراتقان مەلٸمدەمەدە.
سيمي-ۆەللي قالاسى كوليگە 4,9 ميلليون دوللار ٶتەپ بەرەدٸ. كاليفورنييا شتاتىنىڭ بيلٸگٸ 2018 جىلى كوليگە 2 ميلليون دوللارعا جۋىق ٶتەماقى تٶلەۋدٸ شەشكەن.
كرەيگ كولي ايىپتالىپ, ۇستالعان كەزدە سوتتى بولماعان. تەرگەۋشٸلەر بۇل ٸس بويىنشا كۋەگەردٸڭ جالعان تٷسٸنٸك بەرگەنٸن انىقتاعان.
Azattyq.org
