AQSh Memlekettik departamenti qarasha aiynda Ulybritaniianyń Solsberi qalasynda júike júiesin zaqymdaityn himiialyq "Novichok" zatyn qoldanǵany úshin Reseige qarsy "qatań sanktsiialar" salatynyn málimdedi. Bul týraly Bloomberg agenttigi habarlady.
Departament ókili Manisha Singh qatań sanktsiialar Máskeý buǵan deiin qoiylǵan talaptardy oryndaýdan bas tartqan jaǵdaida salynatynyn eskertti. AQSh osyǵan deiin Reseiden himiialyq qarýdy qoldanbaitynyna kepildik berýdi jáne óz zerthanalaryna sheteldik baqylaýshylardy jiberýdi talap etken. Singh "álemdik qaýymdastyq Resei saiasatyna, ásirese óz azamattaryna qastandyq jasap, óltirip jatqan kezinde tózbeýi tiis" ekenin aitty.
Sanktsiialar AQSh-tyń 1991 jyly qabyldanǵan, himiialyq jáne biologiialyq qarý qoldanǵan elderge qarsy sharalar qoldanýǵa mindetteitin zańyna sai salynbaq. Vashington mundai sanktsiiany buǵan deiin Siriia úkimetine onyń "beibit turǵyndarǵa himiialyq qarý qoldanǵany úshin" salǵan.
Tamyzda AQSh Ulybritaniiada Resei eks-tyńshysy Sergei Skripal men onyń qyzy Iýliianyń ýlanýyna bailanysty Reseige alǵashqy "jeńil" sanktsiiasyn engizgen. Sanktsiia boiynsha, Reseige azamattyq jáne áskeri maqsatta birdei qoldanylatyn ónimder men AQSh ulttyq qaýipsizdigi salasymen bailanysty taýar jáne tehnologiiany eksporttaýǵa tyiym salynǵan. Buǵan qosa, Reseige munai-gaz salasyna qatysy bar elektronika, tehnologiia men qosalqy qurylǵylar jetkizýge de shekteý qoiylǵan.
Boljam boiynsha, sanktsiianyń ekinshi kezeńinde AQSh pen Resei arasyndaǵy sanktsiiaǵa is júzinde tolyqtai embargo qoiylady. Sonymen qatar, Reseige aviatsiialyq týrbinalar jetkizýge jáne "Aeroflottyń" AQSh-ta ushýyna tyiym salynbaq.
