AQSh Sergei Skripal men Iýliia Skripal jáne Aleksei Navalnyidyń ýlanýyna bailanysty Reseige sanktsiiasyn kúsheitti. Bul týraly AQSh saýda ministrliginiń málimdemesinde aitylǵan.
Oǵan sáikes, AQSh ulttyq qaýipsizdikke qatysy bar taýarlar men tehnologiiasyn Reseige eksporttaýdy toqtatady. Másele qorǵanys salasynda qoldanylatyn ónimder men túrli maqsatta qoldanylýy múmkin taýarlar jóninde bolyp otyr. Sonyń saldarynan Reseidiń aviatsiia jáne ǵarysh salasy iri máselege kezigýi múmkin.
Sanktsiia aýqymynyń ulǵaiǵany jaily sheshimge túsinikteme bergen ministrlik "El ishinde jáne shetelde adamnyń júike júiesin isten shyǵaratyn tyiym salynǵan zattardy dissidentterge qoldaný arqyly Resei úkimeti Himiialyq qarýǵa tyiym salý týraly konventsiia boiynsha alǵash mindettemelerin óreskel buzdy. Óziniń azamattary men sheteldikterdiń ómirin qaýipke tikti. Osy sebepti saýda ministrligi onyń sezimtal Amerika tehnologiiasyna qol jetkizýine tyiym salady" dep málimdedi.
Skripaldar otbasy ýlanǵannan keiin Amerika biligi himiialyq qarýǵa tyiym salý týraly 1991 jyly qabyldanǵan zań aiasynda eki sanktsiia salǵan. Navalnyidyń ýlanýyna bailanysty byltyr tamyz aiynda jáne biyl naýryz aiynda soǵan uqsas sharalar qoldanyldy. Qara tizimge birqatar jeke jáne zańdy tulǵalar engen, arasynda reseilik ǵylymi institýttar da bar. Buǵan qosa, Reseige áskeri jáne eki maqsatta qoldanylýy múmkin tehnologiia túrlerin tasymaldaýǵa shekteý qoiyldy.
AQSh saýda ministrliginiń baspasóz habarlamasy prezident Djo Baidenniń Vladimir Pýtindi ótkir synaǵan suhbaty jariialanǵan kúni taratyldy.
Resei biligi Skripal men Navalnyidyń ýlanýyna qatysy joǵyn aitady.
