Soldan ońǵa qarai: Finliandiia prezidenti Saýli Niiniste, AQSh prezidenti Djo Baiden jáne Shvetsiia premer-ministri Magdalena Andersson. Vashington, 19 mamyr 2022 jyl.
Sársenbide AQSh kongresi Finliandiia men Shvetsiiany NATO-ǵa múshelikke qabyldaý týraly kelisimdi maquldady. Kelisimge 95 senator daýys berip, bir adam qarsy boldy.
"Finliandiia men Shvetsiianyń músheligi NATO-ny nyǵaita túsedi. Bul Resei basqynshylyǵy tusynda, Pýtinniń Ýkrainadaǵy ádiletsiz, adamgershilikke jat soǵysy tusynda óte mańyzdy" dedi Senatta basym kópshilik bolyp otyrǵan demokrattar jetekshisi Chak Shýmer.
AQSh prezidenti Djo Baiden sheshimdi qos partiianyń NATO-ny qoldaý nietiniń kórinisi dep baǵalady.
Finliandiia men Shvetsiiany NATO-ǵa qabyldaý týraly kelisimdi odaqqa múshe 30 eldiń barlyǵy qoldaýy tiis. 23 memleket arnaiy sheshim qabyldap qoiǵan. Shvetsiia men Finliandiiany kúrdterge saiasi baspana berdi dep kinálaǵan Túrkiianyń ustanymy ázirge bulyńǵyr. Úsh memleket arasynda bul másele boiynsha kelisim bolǵanmen, Túrkiia basshysy Rejep Erdoǵannyń kandidattarǵa aitatyn "syn-eskertpeleri" bar. NATO-ǵa eki memleketti qabyldaý protsesi odaqtyń 70 jyldyq tarihyndaǵy eń jedel sheshimderdiń biri bolaiyn dep tur.
