Mark Rýbio, AQSh senatory.
AQSh senatory Mark Rýbio Vashingtondaǵy Resei elshiligi ornalasqan kósheni qastandyqtan qaza tapqan reseilik oppozitsiiashyl saiasatker Boris Nemtsovtyń atymen ataý týraly týraly zań jobasyn usyndy, - dep habarlaidy "Ult aqparat" Azattyqqa silteme jasap.
Floridadan sailanǵan senator, ótken jyly prezident Donald Tramptyń Respýblikashyl partiia atynan kandidat bolýyna qarsy shyqqan Rýbio zań jobasyn Nemtsovty Kreml túbindegi kópirde atyp óltirgenine eki jyl tolǵan 27 aqpanda usyndy. 27 aqpanda Máskeýde birqatar reseilikter kóshege shyǵyp, Nemtsovtyń qazasyn eske aldy.
Rýbio Nemtsovtyń Resei prezidenti Vladimir Pýtindi synap, qaza tapqan ia aýrýhanaǵa túsken qarsylastarynyń biri bolǵanyn aitty.
"Boris Nemtsovtyń atyna kóshe berý dissidentterdiń daýsy ómir súre beretinin jáne erkindikti qorǵaýshylardyń úni óshpeitinin Pýtinniń rejimi men reseilikterdiń esine udaiy salyp turady" dedi Rýbio.
Mark Rýbionyń usynysy zań júzinde qabyldanýy úshin ony kongrestiń qos palatasy birdei maquldap, prezident Donald Tramp qol qoiýy tiis.
