AQSh-tyń Federaldy prokýratýrasy Qazaqstanda naýryz aiynan beri turǵan jeke ushaqty qamaýǵa alýǵa order berdi. Áýe kemesi Memlekettik dýmanyń depýtaty jáne reseilik oligarh Andrei Skochpen bailanysty bolýy múmkin, dep habarlaidy The Wall Street Journal basylymyna silteme jasaǵan Ulysmedia.kz.
AQSh-tyń Resei memlekettik dýmasynyń depýtaty Andrei Skochqa qarsy sanktsiiasy alǵash ret 2018 jyly engizildi. Endi onyń Airbus A319-100 ushaǵyn qamaýǵa almaqshy. Áýe kemesi shamamen osy jyldyń naýryz aiynan bastap Qazaqstan aýmaǵynda tur. Ýkrainada soǵys bastalǵannan keiin sheneýnikke qosymsha sanktsiia salyndy. Sonymen qatar AQSh Skochtyń 98 metrlik iahtasy men tikushaǵyn tartyp alǵysy keletinin tuspaldady.
AQSh Ádilet ministrliginiń resmi saity usynǵan aqparatqa sáikes, Andrei Skochtyń ushaǵyn qamaýǵa alýǵa ruqsat berilgen.
"Amerika Qurama Shtattary sanktsiia engizgen reseilik oligarh Andrei Skochke tiesili Airbus A319-100 (Airbus) ushaǵyn qamaýǵa alýǵa ruqsat aldy", - delingen habarlamada.
