Foto:elements.envato.com
AQSh-tyń Qarjy ministrligi Reseidiń AQSh bankterindegi táýelsiz qaryzy boiynsha dollarmen tólem júrgizýge tyiym salady, - dep habarlaidy Tengrinews.kz tilshisi Reuters agenttigine silteme jasap.
Agenttik málimetinshe, AQSh Resei úkimetine amerikalyq bankterdegi 600 million dollardan astam rezervterdi tóleýdi toqtatty, bul Máskeýge qysymdy kúsheitip, onyń AQSh dollaryndaǵy qoryn azaitýy kerek. Tyiym 4 sáýirde kúshine engeni kórsetilgen.
"Búgin Resei úshin taǵy bir qaryzdy tóleý merzimi. Resei qalǵan dollardaǵy qundy rezervterdiń sarqylýyn, jańa túsimderdi nemese defoltty tańdaýy kerek", - delingen AQSh Qarjy ministrligi málimdemesinde.
Agenttik avtorlary málimetine súiensek, eger Resei aldyn ala belgilengen merzimde obligatsiialar boiynsha aldaǵy tólemderdiń eshqaisyn jasamasa nemese dollar, eýro nemese basqa valiýta kórsetilgen kelisimde rýblmen tólem jasasa, bul defoltty bildiredi. Resei Batystyń sanktsiialaryna bailanysty halyqaralyq qaryz naryqtaryna shyǵa almasa da, kreditorlar aldyndaǵy qaryzdy tolyq ótegenge deiin jáne defoltqa bailanysty kez kelgen sot isteri sheshilgenshe naryqtarǵa shyǵa almaidy.
Reseide tólem jasaý úshin 30 kúndik jeńildik kezeńi bar, dedi ministrlik ókili.
Aita keteiik, 24 aqpanda Reseidiń Ýkrainaǵa basyp kirýinen keiin salynǵan sanktsiiaǵa sáikes, Resei ortalyq bankiniń AQSh qarjy institýttaryndaǵy valiýtalyq rezervteri buǵattalǵan bolatyn. Alaida Qarjy ministrligi Resei úkimetine bul qarajatty jeke negizde kýpondyq tólemder úshin paidalanýǵa ruqsat berdi.
