AQSh áskeri qyzmetkerleri atynan tirkelgen ondaǵan Twitter akkaýnttardyń shyn máninde reseilik agenttermen ("trolldar fabrikasy" dep te atalady - red.) bailanysy bar. Bul týraly "Amerika daýysy" radiosyna AQSh-tyń áskeri sheneýnigi málimdedi, dep jazady Azattyq.
Olardyń málimetinshe, ózderin "áskeri qyzmetkermiz" dep kórsetken akkaýnt ieleri amerikalyq áskerilermen bailanysqa túsip, úkimetke qarsy arandatpaq bolǵan.
Amerikalyq sheneýnikterdiń aitýynsha, "Pentagonmen bailanysy bar" delingen, biraq shyn máninde Reseiden basqarylatyn 39 akkaýntty taiaýda Twitter ákimshiligi jaýyp tastady. Sonymen birge, dál osyndai jalǵan akkaýnttardy da Facebook jelisinen baiqaýǵa bolady.
Bul aqparat Kongresske aralyq sailaýǵa birneshe kún qalǵanda jariialanyp otyr. Amerikalyq sheneýnikter buǵan deiin Máskeý sailaý protsesine yqpalyn júrgizýge tyrysyp jatyr dep málimdegen.
Twitter jelisi taiaýda 10 myńǵa jýyq kúdikti akkaýntty joidy. Olar AQSh-tyń Demokratiialyq partiiasy atynan halyqty aralyq sailaýǵa qatyspaýǵa úndegen.
