AQSh prezidenti Djo Baiden, vitse-prezident Kamala Harris jáne olardyń komandasy.
AQSh prezidenti Djo Baiden DAISh ("Islam memleketi") terroristik tobynyń jetekshisi Ibragim ál-Hashimi ál-Kýrashi Siriiadaǵy arnaiy operatsiia kezinde ólgenin málimdedi.
Baiden 3 aqpanda jasaǵan málimdemesinde, operatsiia Siriianyń soltústik-batysynda júrgizilgenin jáne oǵan qatysqan Amerika áskeri eline qaitqanyn atap ótti.
Osyǵan deiin Pentagon reid júrgizilgenin habarlaǵan. Associated press agenttigi oqiǵanyń kýágerlerine silteme jasap, eki saǵatqa sozylǵan operatsiia kezinde 13 adam, onyń ishinde alty bala, tórt áiel qaza bolǵanyn jazdy.
"Islam memleketi" ekstremistik toby Siriiadaǵy azamattyq soǵystan jáne Iraktaǵy turaqsyz jaǵdaidan keiin bas kótergen. 2013-2014 jyldardan beri Irak pen Siriianyń birqatar aimaqtaryn basyp alyp, "halifat" quratynyn jariialaǵan. Bul top jantúrshigerlik túrli qylmystarǵa baryp, myńdaǵan adamdardyń ólimine sebepker boldy.
Keiin "Islam memleketi" tobynyń negizgi pozitsiialary talqandalyp, sodyrlar Irak jáne Siriianyń kóp aimaqtarynan shyǵarylǵan. Bul radikal toptyń tarmaqtary Taiaý Shyǵysta jáne Aýǵanstanda áli belsendi dep habarlanyp keledi.
