Foto: Aqorda
Qazaqstan Respýblikasynyń AQSh-taǵy Tótenshe jáne Ókiletti elshisi Maǵjan Iliiasov Prezident Donald Trampqa Senim gramotasyn tabystaǵannan keiin Amerika basshysymen qysqasha áńgimelesti. Bul týraly Prezidenttiń kómekshisi, baspasóz hatshysy Rýslan Jeldibai jazdy, dep habarlaidy Ult.kz.
Kezdesý barysynda Donald Tramp biyl qarasha aiynda Aq úide Qasym-Jomart Toqaevpen ótken kezdesýden alǵan áserimen bólisip, Qazaqstan Prezidentine jyly lebizin joldady. AQSh kóshbasshysy Memleket basshysyn «halyqaralyq úderisterdi tereń biletin ári jan-jaqty túsinetin tájiribeli memleket qairatkeri, keremet adam» dep sipattady.
Sonymen qatar Donald Tramp Qasym-Jomart Toqaevqa arnaiy syi-syiapat joldady. Syilyqtardyń qatarynda Aq úidiń simvolikalyq kilti men AQSh Prezidentiniń jeke qoltańbasy qoiylǵan beisbolka bar.
