فوتو: اقوردا
قازاقستان رەسپۋبليكاسىنىڭ اقش-تاعى تٶتەنشە جەنە ٶكٸلەتتٸ ەلشٸسٸ ماعجان ٸليياسوۆ پرەزيدەنت دونالد ترامپقا سەنٸم گراموتاسىن تابىستاعاننان كەيٸن امەريكا باسشىسىمەن قىسقاشا ەڭگٸمەلەستٸ. بۇل تۋرالى پرەزيدەنتتٸڭ كٶمەكشٸسٸ, باسپاسٶز حاتشىسى رۋسلان جەلدٸباي جازدى, دەپ حابارلايدى Ult.kz.
كەزدەسۋ بارىسىندا دونالد ترامپ بيىل قاراشا ايىندا اق ٷيدە قاسىم-جومارت توقاەۆپەن ٶتكەن كەزدەسۋدەن العان ەسەرٸمەن بٶلٸسٸپ, قازاقستان پرەزيدەنتٸنە جىلى لەبٸزٸن جولدادى. اقش كٶشباسشىسى مەملەكەت باسشىسىن «حالىقارالىق ٷدەرٸستەردٸ تەرەڭ بٸلەتٸن ەرٸ جان-جاقتى تٷسٸنەتٸن تەجٸريبەلٸ مەملەكەت قايراتكەرٸ, كەرەمەت ادام» دەپ سيپاتتادى.
سونىمەن قاتار دونالد ترامپ قاسىم-جومارت توقاەۆقا ارنايى سىي-سىياپات جولدادى. سىيلىقتاردىڭ قاتارىندا اق ٷيدٸڭ سيمۆوليكالىق كٸلتٸ مەن اقش پرەزيدەنتٸنٸڭ جەكە قولتاڭباسى قويىلعان بەيسبولكا بار.
