QR Prezidentiniń arnaýly ókili Erjan Qazyhan «AQSh pen Kaspii óńiri elderi arasyndaǵy diplomatiialyq qarym-qatynastardyń 30 jyldyǵy» atty vebinarǵa qatysty, dep habarlaidy Aqorda.
2022 jylǵy 1 aqpanda AQSh pen Kaspii óńiri elderi arasyndaǵy diplomatiialyq qarym-qatynastyń ornaǵanyna 30 jyl tolýyn merekeleý aiasynda Caspian Policy Center vashingtondyq saraptamalyq ortalyǵynda uiymdastyrylǵan vebinarǵa QR Prezidenti Ákimshiligi Basshysynyń orynbasary – Prezidenttiń halyqaralyq yntymaqtastyq jónindegi arnaýly ókili Erjan Qazyhan qatysty.
Is-sharaǵa AQSh Memlekettik hatshysynyń Ońtústik jáne Ortalyq Aziia isteri jónindegi kómekshisi Donald Lý jáne Eýropa men Eýraziia jónindegi kómekshisi Karen Donfraid, sondai-aq Ázirbaijan, Armeniia, Grýziia, Qyrǵyzstan, Tájikstan, Túrkimenstan jáne Ózbekstannyń joǵary ókilderi qatysty. AQSh-tyń Qazaqstan Respýblikasyndaǵy burynǵy Elshisi Richard Hoýgland moderator rólin atqardy.
QR Prezidentiniń Arnaýly ókili E.Qazyhan aimaq elderiniń AQSh-pen ózara is-qimylyn nyǵaitýdyń aitarlyqtai áleýetin atap ótip: «Biz AQSh-pen birqatar negizgi basymdyqtar boiynsha praktikalyq turǵyda ózara-árekettesýge kóptegen múmkindikterdi kórip otyrmyz, onyń ishinde lańkestikpen jáne qaýipsizdiktiń basqa syn-qaterlerimen, klimattyń ózgerýimen kúresý, tranzittik-kólik júiesin ártaraptandyrý, áielderdiń ekonomikalyq múmkindikterin keńeitý jáne t.b.», dep aitty.
Qazaqstanda qańtarda oryn alǵan oqiǵalardyń sheńberinde E.Qazyhan Memleket basshysynyń saiasi, ekonomikalyq jáne institýtsionaldyq jańǵyrtýdy jalǵastyrýǵa degen berik ustanymyn erekshe atap ótti. «Jaqyn arada jańa ministrler kabineti 2022 jylǵa arnalǵan Is-sharalar josparyn usynady. Jańa ekonomikalyq saiasat Jańa Qazaqstannyń negizi bolady», - dep túiindedi.
D.Lýdyń sóilegen sózinde de Qazaqstanda bolǵan oqiǵalarǵa erekshe nazar aýdaryldy. Ol QR basshylyǵynyń aldaǵy saiasi jáne ekonomikalyq qaita qurýlar baǵytyn jalǵastyratynyna senim bildirdi.
«Batystyń mindeti – aqyl aitý emes, Qazaqstandy qoldaý jáne eldiń ózine qańtar aiynda týyndaǵan adam quqyǵy máselesin sheshýge múmkindik berý jáne mundai jaǵdaidyń bolashaqta boldyrmaýy úshin qajetti áleýmettik, saiasi jáne ekonomikalyq reformalardy ári qarai júzege asyrý», - dedi D.Lý.
Jalpy, vebinarǵa qatysýshylar saiasi, ekonomikalyq jáne mádeni-gýmanitarlyq dialogty odan ári damytý maqsatynda aimaq elderi men AQSh arasyndaǵy yntymaqtastyqtyń mańyzdylyǵyn atap ótti.
