AQSh pen Eýropa odaǵy Ýkraina shekarasyna taiaý tusta Resei áskeri tehnikasynyń kóbeie bastaǵanyna alańdaidy.
Bul jóninde jeksenbi kúni AQSh-tyń Washington Post gazeti jazdy, dep habarlaidy Azattyq.
AQSh pen Eýropa odaǵy ázirge resmi málimdeme jasamaǵan, biraq keibir ókilderi Ýkraina-Resei shekarasyndaǵy qazirgi jaǵdaidy biyl sáýir aiyndaǵy jaǵdaimen salystyra qaraidy. Ol kezde Vashington men onyń odaqtastary Resei áskeriniń anneksiialanǵan Qyrymnan ózge, Ýkraina shekarasyna da toptasa bastaǵanyna aitarlyqtai alańdaýshylyq bildirgen edi.
Washington Post keiingi ailarda Resei biliginiń Ýkraina jónindegi ritorikasy qataia bastaǵanyn, al sońǵy kúnderi Donbastaǵy janjal ýshyǵa bastaǵanyn atap ótken. Maidan alańdarynyń birinde artilleriia qoldanylǵannan keiin Ýkraina áskeri adam shyǵynyna ushyraǵan. Ýkraina da qarap qalmai Túrkiianyń ushqyshsyz "Bairaktar" apparatyn alǵash ret qoldanǵan jáne bul áreketi Máskeý tarapynan aiyptalǵan.
Keiingi kezderi áleýmettik jelide Reseidiń batys jáne ońtústik aimaqtaryndaǵy áskeri tehnikalarynyń jylji bastaǵanyn kórsetetin birneshe video paida bolǵan. Alaida Resei qandai da bir aýqymdy áskeri jattyǵý ótkizetinin habarlaǵan emes.
Ýkraina biliginiń baǵalaýyna qaraǵanda, qyrkúiekte "Batys - 2021" áskeri jattyǵýyn aiaqtaǵanymen Reseidiń kóptegen áskeri bólimderi burynǵy oryndaryna qaitpaǵan. Qyrymǵa ornalasqandaryn aitpaǵanda, qazir Ýkraina shekarasynyń boiynda Reseidiń 90 myńǵa jetetin áskeri tur.
Ýkraina Syrtqy ister ministri Dmitrii Kýleba Reseidi jalǵan aqparat taratyp otyr dep aiyptady, óitkeni Kievtiń Donbassta áskeri operatsiia júrgizer oiy joq. Buǵan deiin Resei basshylyǵy "Resei qoldaityn Donbassta áskeri operatsiia jasaityn bolsa, Ýkraina memleketiniń ózi de joq bolýy múmkin" degen dóńaibat jasaǵan bolatyn. Sóite tura Máskeý separatisterge qarý kómek berip otyrǵanyn joqqa shyǵarady, Ýkrainaǵa basyp kirý josparlary joq ekenin aitady.
Ýkrainanyń shyǵysynda qarýy janjal júrip jatqanyna jeti jyldan asty.
