اقش پەن ەۋروپا وداعى ۋكراينا شەكاراسىنا تاياۋ تۇستا رەسەي ەسكەري تەحنيكاسىنىڭ كٶبەيە باستاعانىنا الاڭدايدى.
بۇل جٶنٸندە جەكسەنبٸ كٷنٸ اقش-تىڭ Washington Post گازەتٸ جازدى, دەپ حابارلايدى ازاتتىق.
اقش پەن ەۋروپا وداعى ەزٸرگە رەسمي مەلٸمدەمە جاساماعان, بٸراق كەيبٸر ٶكٸلدەرٸ ۋكراينا-رەسەي شەكاراسىنداعى قازٸرگٸ جاعدايدى بيىل سەۋٸر ايىنداعى جاعدايمەن سالىستىرا قارايدى. ول كەزدە ۆاشينگتون مەن ونىڭ وداقتاستارى رەسەي ەسكەرٸنٸڭ اننەكسييالانعان قىرىمنان ٶزگە, ۋكراينا شەكاراسىنا دا توپتاسا باستاعانىنا ايتارلىقتاي الاڭداۋشىلىق بٸلدٸرگەن ەدٸ.
Washington Post كەيٸنگٸ ايلاردا رەسەي بيلٸگٸنٸڭ ۋكراينا جٶنٸندەگٸ ريتوريكاسى قاتايا باستاعانىن, ال سوڭعى كٷندەرٸ دونباستاعى جانجال ۋشىعا باستاعانىن اتاپ ٶتكەن. مايدان الاڭدارىنىڭ بٸرٸندە ارتيللەرييا قولدانىلعاننان كەيٸن ۋكراينا ەسكەرٸ ادام شىعىنىنا ۇشىراعان. ۋكراينا دا قاراپ قالماي تٷركييانىڭ ۇشقىشسىز "بايراكتار" اپپاراتىن العاش رەت قولدانعان جەنە بۇل ەرەكەتٸ مەسكەۋ تاراپىنان ايىپتالعان.
كەيٸنگٸ كەزدەرٸ ەلەۋمەتتٸك جەلٸدە رەسەيدٸڭ باتىس جەنە وڭتٷستٸك ايماقتارىنداعى ەسكەري تەحنيكالارىنىڭ جىلجي باستاعانىن كٶرسەتەتٸن بٸرنەشە ۆيدەو پايدا بولعان. الايدا رەسەي قانداي دا بٸر اۋقىمدى ەسكەري جاتتىعۋ ٶتكٸزەتٸنٸن حابارلاعان ەمەس.
ۋكراينا بيلٸگٸنٸڭ باعالاۋىنا قاراعاندا, قىركٷيەكتە "باتىس - 2021" ەسكەري جاتتىعۋىن اياقتاعانىمەن رەسەيدٸڭ كٶپتەگەن ەسكەري بٶلٸمدەرٸ بۇرىنعى ورىندارىنا قايتپاعان. قىرىمعا ورنالاسقاندارىن ايتپاعاندا, قازٸر ۋكراينا شەكاراسىنىڭ بويىندا رەسەيدٸڭ 90 مىڭعا جەتەتٸن ەسكەرٸ تۇر.
ۋكراينا سىرتقى ٸستەر مينيسترٸ دميتريي كۋلەبا رەسەيدٸ جالعان اقپارات تاراتىپ وتىر دەپ ايىپتادى, ٶيتكەنٸ كيەۆتٸڭ دونباسستا ەسكەري وپەراتسييا جٷرگٸزەر ويى جوق. بۇعان دەيٸن رەسەي باسشىلىعى "رەسەي قولدايتىن دونباسستا ەسكەري وپەراتسييا جاسايتىن بولسا, ۋكراينا مەملەكەتٸنٸڭ ٶزٸ دە جوق بولۋى مٷمكٸن" دەگەن دٶڭايبات جاساعان بولاتىن. سٶيتە تۇرا مەسكەۋ سەپاراتيستەرگە قارۋ كٶمەك بەرٸپ وتىرعانىن جوققا شىعارادى, ۋكرايناعا باسىپ كٸرۋ جوسپارلارى جوق ەكەنٸن ايتادى.
ۋكراينانىڭ شىعىسىندا قارۋى جانجال جٷرٸپ جاتقانىنا جەتٸ جىلدان استى.
