AQSh Ortalyq barlaý basqarmasy (TsRÝ) "Qytai jónindegi operatsiialar ortalyǵy" dep atalatyn jańa bólim qurady. Bul týraly mekeme basshysy Ýiliam Berns habarlady.
Onyń sózinshe, jańa bólim Qytai úkimeti tarabynan keletin qaýipke toitarys berý mindetin atqarady.
Berns baiandamasynda Qytaidy AQSh-qa geosaiasi turǵydan eń qaýipti el dep ataǵan. Ol jańa ortalyqtyń is-qimyldary qytai halqyna emes, úkimetine qarsy baǵyttalatynyn aitqan.
Biyl qańtar aiynda burynǵy prezident Donald Tramptyń ákimshiligi Qytaidaǵy uiǵyrlardyń qýǵyndalýyn genotsid dep ataǵan.
"2017 jyldan beri Qytai úkimeti Kommýnistik partiianyń baqylaýymen adamzatqa qarsy qylmystar jasap keledi", - degen sol kezde memlekettik hatshy Maik Pompeo.
Vashington Pekinniń demokratiiaǵa shabýyl jasaýyn aiyptap keledi.
Ýiliam Berns Ortalyq barlaý basqarmasy basqa da mańyzdy qaýipterge, onyń ishinde "Resei agressiiasyna, Soltústik Koreia men Iran, sonymen birge terrorizmge qarsy" asa kóńil bólýdi jalǵastyra beretinin jetkizdi.
