اقش ورتالىق بارلاۋ باسقارماسى (تسرۋ) "قىتاي جٶنٸندەگٸ وپەراتسييالار ورتالىعى" دەپ اتالاتىن جاڭا بٶلٸم قۇرادى. بۇل تۋرالى مەكەمە باسشىسى ۋيليام بەرنس حابارلادى.
ونىڭ سٶزٸنشە, جاڭا بٶلٸم قىتاي ٷكٸمەتٸ تارابىنان كەلەتٸن قاۋٸپكە تويتارىس بەرۋ مٸندەتٸن اتقارادى.
بەرنس بايانداماسىندا قىتايدى اقش-قا گەوساياسي تۇرعىدان ەڭ قاۋٸپتٸ ەل دەپ اتاعان. ول جاڭا ورتالىقتىڭ ٸس-قيمىلدارى قىتاي حالقىنا ەمەس, ٷكٸمەتٸنە قارسى باعىتتالاتىنىن ايتقان.
بيىل قاڭتار ايىندا بۇرىنعى پرەزيدەنت دونالد ترامپتىڭ ەكٸمشٸلٸگٸ قىتايداعى ۇيعىرلاردىڭ قۋعىندالۋىن گەنوتسيد دەپ اتاعان.
"2017 جىلدان بەرٸ قىتاي ٷكٸمەتٸ كوممۋنيستٸك پارتييانىڭ باقىلاۋىمەن ادامزاتقا قارسى قىلمىستار جاساپ كەلەدٸ", - دەگەن سول كەزدە مەملەكەتتٸك حاتشى مايك پومپەو.
ۆاشينگتون پەكيننٸڭ دەموكراتيياعا شابۋىل جاساۋىن ايىپتاپ كەلەدٸ.
ۋيليام بەرنس ورتالىق بارلاۋ باسقارماسى باسقا دا ماڭىزدى قاۋٸپتەرگە, ونىڭ ٸشٸندە "رەسەي اگرەسسيياسىنا, سولتٷستٸك كورەيا مەن يران, سونىمەن بٸرگە تەرروريزمگە قارسى" اسا كٶڭٸل بٶلۋدٸ جالعاستىرا بەرەتٸنٸن جەتكٸزدٸ.
