Foto: © Daily Times
AQSh Memlekettik hatshysy Entoni Blinken Qazaqstanǵa keledi, - dep habarlaidy "Ult aqparat" QR SIM baspasóz qyzmetine silteme jasap.
"28 aqpanda AQSh Memlekettik hatshysy Entoni Blinken Qazaqstanǵa óziniń alǵashqy saparyn jasaidy. Astanaǵa sapary barysynda Memlekettik hatshyny Qazaqstan Respýblikasynyń Prezidenti Qasym-Jomart Toqaev qabyldaidy jáne QR Premer-Ministriniń orynbasary – Syrtqy ister ministri Muhtar Tileýberdi onymen ekijaqty kelissózder ótkizedi.
Sol kúni Astanada E.Blinken jáne Ortalyq Aziia elderiniń syrtqy saiasi mekemeleri basshylarynyń qatysýymen S5+1 formatyndaǵy Ministrlik kezdesý ótedi. Kún tártibi óńirlik yntymaqtastyq jáne AQSh-pen seriktestik máselelerin odan ári damytýdy qamtidy" - delingen habarlamada.
