"Qurama Shtattar 2014 jyldyń 16 naýryzyndaǵy referendýmdy, halyqaralyq quqyqtardy attap ótý arqyly Qyrymdy anneksiialaý talpynysyn moiyndamaidy", – dep málimdedi Memlekettik departamenttiń resmi ókili Mark Toner. Onyń aitýynsha, AQSh Ýkrainanyń aýmaqtyq tutastyǵy men egemendiginiń saqtalǵanyn qalaidy.
Mark Toner óz málimdemesinde Vashingtonnyń "Qyrymdy Reseidiń basyp alǵanyn aiyptaitynyn jáne ony tez arada toqtatýǵa shaqyratynyn" aitty. "Bizdiń sanktsiialarymyz Reseidiń Qyrymdy Ýkrainaǵa qaitaryp bermeiinshe saqtala beredi", - dedi ol.
Bunyń aldynda AQSh prezidenti Donald Tramp Máskeýmen tyǵyz bailanys ornatýǵa ýáde bergen edi.
Kreml baspasóz hatshysy Dmitrii Peskov Qyrymdy Ýkrainaǵa qaitaryp berýi múmkin degendi joqqa shyǵardy.
16 naýryzda Eýropalyq parlament Máskeýden jiyrma shaqty ýkrainalyq tutqyndy bosatýyn suraǵan edi. 2014 jyly sáýirde bastalǵan janjaldan 9750 adam qaza tapty.
